Qozog‘istonda poraxo‘r amaldorlar puliga 70 ta maktab quriladi
![Qozog‘istonda poraxo‘r amaldorlar puliga 70 ta maktab quriladi](https://xabar.uz/static/crop/4/0/920__95_4020971963.png)
Bu yil Qozog‘istonda poraxo‘r amaldorlar puliga 70 ta maktab quriladi. Bu haqda ta’lim vaziri G‘ani Beysembayev ma’lum qildi, uning so‘zlaridan iqtibos keltirmoqda Tengrinews.
«Bu yil 70 dan ortiq maktab korrupsionerlar puliga quriladi. Buning uchun bizda hujjat va ro‘yxatlar allaqachon mavjud, Tez kunlarda bu ro‘yxat qo‘llab-quvvatlanadi va maktab qurilishi uchun mablag‘ ajratiladi. Maktab qurilishi deyarli 20 ta viloyatni qamrab oladi», – deydi Beysembayev.
Loyihada mavjud ta’lim muassasalarini ta’mirlash ham ko‘zda tutilgan.
Ma’lumotlarga ko‘ra, Qozog‘iston Moliya vazirligining maxsus hisob raqamida poraxo‘r amaldorlardan musodara qilingan 120 milliard tenge mablag‘ jamg‘arilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter