Ronaldu va Messi to‘qnashuvi amalga oshmaydi
![Ronaldu va Messi to‘qnashuvi amalga oshmaydi](https://xabar.uz/static/crop/2/3/920__95_2377580192.jpg)
Lionel Messi va Krishtianu Ronaldu «Inter Mayami» va «Al Nasr» uchrashuvida bir-biriga qarshi o‘ynamaydi. Bu haqda Goal nashri xabar bermoqda.
Nashrning yozishicha, Ronaldu mushaklari shikastlangani uchun Amerika klubi bilan o‘yinda maydonga tushmaydi. «Al-Nasr» 38 yoshli futbolchining sog‘lig‘ini xavf ostiga qo‘yishni istamagan va uni maydonga tushirmaydi. Xabar qilinishicha, yanvar oyi oxirida portugaliyalik jarohat olgan.
«Al Nasr» 1-fevral kuni «Inter Mayami» bilan o‘rtoqlik o‘yinida maydonga tushadi.
Eslatib o‘tamiz, 2023-yilning 2-yanvarida Ronaldu Saudiya Arabistonining «Al-Nasr» klubi o‘yinchisiga aylandi va u bilan shartnoma bo‘yicha yiliga 200 million yevro oladi. Portugaliyalik va uning oilasi uchun qo‘shimcha bonuslar ham va’da qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter