Rossiya Iqtisodiy rivojlanish vazirligi rubl kursining mustahkamlanishini, bu jarayon 2024-yil iyun oyida eng yuqori cho‘qqigacha ko‘tarilishini prognoz qildi.

Hukumat tomonidan tasdiqlangan 2024-2026-yillarga mo‘ljallangan vazirlik prognoziga ko‘ra, kelasi yilning iyun oyigacha bir dollar 87,5 rublga baholanadi. Bu haqda «Interfaks» xabar bermoqda.

Iqtisodiy rivojlanish vazirligining prognozlariga ko‘ra, 2023-yil dekabr oyida valyuta kursi bir dollar uchun 94,3 rubl va bir yevro uchun 105 rublni tashkil qiladi.

2024-yilning iyuniga kelib, 1 dollar 87,5 rubl, yevro 97,5 rubl miqdorigacha mustahkamlanadi. «2023-yil oxiriga kelib, tashqi savdo balansi va rubl kursiga bosim asta-sekin zaiflashadi. Iyun oyidan boshlab jahon tovar bozorlarida teskari holat kuzatildi - neft va boshqa bir qator yeksport tovarlari narxlarining oshishi. O‘z navbatida joriy hisobvaraq orqali chet el valyutasi oqimining ko‘payishi uning valyuta tuzilmasini diversifikatsiya qilish bilan bir qatorda 2023-yil oxiri – 2024 yilning birinchi yarmida rubl kursining mustahkamlanishiga xizmat qiladi» deyiadi xabarda.

Eslatib o‘tamiz, joriy yil yozida rus valyutasi keskin pasayib ketdi. Bu o‘z navbatida O‘zbekiston iqtisodiga ham ta’sir qildi.