Shavkat Mirziyoyev rasmiy tashrif bilan Fransiyaga boradi
O‘zbekiston Respublikasi prezidenti Shavkat Mirziyoyev yaqin vaqt ichida rasmiy tashrif bilan Fransiyaga boradi. Bu haqda hukumatdagi manbasiga tayanib «Podrobno.uz» xabar bermoqda.
«Tashrif doirasida O‘zbekiston prezidenti Shavkat Mirziyoyev va Fransiya prezidenti Emmanuel Makron o‘rtasida muzokaralar rejalashtirilgan. Unda bir qator hujjatlar imzolanishi rejalashtirilgan», — deya ma’lum qilgan manba.
Bundan tashqari, Fransiyaning poytaxtida ushbu haftada savdo-iqtisodiy hamkorlik bo‘yicha Hukumatlararo komissiya yig‘ilishi bo‘ladi.
Eslatib o‘tamiz, Fransiya O‘zbekistonning Yevropa Ittifoqidagi muhim savdo sheriklaridan biridir. Mamlakatlar makroiqtisodiy, moliyaviy, qishloq xo‘jaligi sohalari, xususiy tadbirkorlik va kichik biznesni boshqarish uchun kadrlar tayyorlash sohasida samarali hamkorlik qiladi. 2016-yilda o‘zaro savdo hajmi 264,8 million dollarni tashkil etgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter