Sud 30 dan ziyod pensioner ayollarning qotili ustidan hukm chiqardi.
![Sud 30 dan ziyod pensioner ayollarning qotili ustidan hukm chiqardi.](https://xabar.uz/static/crop/2/3/920__95_236552091.jpg)
Tatariston Oliy sudi Rossiyaning turli hududlarida 30 dan ziyod pensioner ayollarni o‘ldirgan «volgabo‘yilik savdoyi» ustidan hukm chiqardi. Qotillikni kasb qilib qolgan Radik Tagirov bir umrga ozodlikdan mahrum etildi.
Sud xabariga ko‘ra, dastlabki o‘n yilni panjara ortida o‘tkazganidan so‘ng, mahkum maxsus rejimli koloniyaga o‘tkaziladi.
![](https://xabar.uz/static/uploads/70/720__dfwLWReGRaVXfwQrINQGtYg81MIUO7dz.jpg)
Birinchisi 2011-yilda sodir etilgan va keyingi o‘nlab qotilliklarda gumon qilingan Tagirov 2020-yil dekabrida qo‘lga olingandi. Qotilliklar Tataristonga qo‘shni hududlarda sodir etilgan.
Tergov davomida aniqlik kiritilishicha, qotil bo‘lg‘usi qurbonlari (pensioner ayollar) ishonchiga kirish orqali ularning kvartiralariga kirgan va ularni bo‘g‘ib o‘ldirgan. E’tiborli tomoni, qotil qo‘lga olingan zahotiyoq aybiga iqror bo‘lib, jinoyatlari bo‘yicha ko‘rsatma bergan, ammo oradan vaqt o‘tib, aybsizman, deb oyoq tirab olgan. Fevralda prokuror suddan Tagirov uchun bir umrlik qamoq jasosini so‘ragandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter