Surxondaryoda hokim jarimaga tortildi
Angor tumani hokimi jarimaga tortildi.
Angor tumani hokimi Qosim Mardonovga oylik ish haqining 30 foizi miqdorida jarima jazosi belgilandi. Bu haqda Surxondaryo viloyati hokimi Ulug‘bek Qosimovning farmoyishida ma’lum qilingan.
Farmoyish bugun, 14-mart kuni chiqarilgan. Hokimga o‘ziga yuklatilgan vazifalarning ijrosini belgilangan muddatlarda bajarmaganligi, ish faoliyatini noto‘g‘ri tashkil etganligi hamda viloyat hokimi tomonidan ko‘rsatib o‘tilgan kamchiliklarni bartaraf etish yuzasidan belgilangan topshiriqlar ijrosiga e’tiborsizlik bilan qaraganligi uchun jazo qo‘llangan. Bu haqda farmoyishda ta’kidlab o‘tilgan.
Qosim Mardonov 2023 yanvardan buyon Angor tumani hokimi sifatida ishlab kelyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter