Toshkentda havoni ifloslantirayotgan somsaxona jarimaga tortildi
![Toshkentda havoni ifloslantirayotgan somsaxona jarimaga tortildi](https://xabar.uz/static/crop/2/6/920__95_263363959.jpg)
Toshkent shahrida havoni ifloslantirayotgan somsaxona jarimaga tortildi. Bu haqda Poytaxt ekoboshqarmasi ma’lum qildi.
Xabarda aytilishicha, holat boshqarma inspektorlari tomonidan nazoratga olinib, o‘rganish ishlari olib borilgan.
Olib borilgan o‘rganishlar natijasida, Chilonzor tumani 3-mavze, 53-sonli aholi yashash xonadonlari oldida fuqaroning huquqbuzarlik sodir etgani aniqlangan va unga nisbatan Chilonzor tumani ekologiya bo‘limi davlat inspektori tomonidan MJtKning 95-moddasiga asosan ma’muriy bayonnoma rasmiylashtirilib, jarima belgilangan.
Ma’lumot uchun, MJtKning 95-moddasi tabiiy muhitni tiklash, tabiiy zaxiralarni qayta hosil qilish va tabiiy muhitga zararli ta’sir ko‘rsatish oqibatlarini bartaraf etish choralarini ko‘rmaganlikka doir huquqbuzarlikni ko‘zda tutadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter