Turkiya chempionatida ommaviy mushtlashuv sodir bo‘ldi (video)
![Turkiya chempionatida ommaviy mushtlashuv sodir bo‘ldi (video)](https://xabar.uz/static/crop/1/3/920__95_1392000190.jpg)
Turkiya chempionatida «Fenerbahche» futbolchilari uchrashuvdan keyin «Trabzonspor» muxlislari bilan mushtlashib ketishdi.
Turkiya Superligasining 30-turidan o‘rin olgan «Trabzonspor» – «Fenerbaxche» uchrashuvi (2:3) mehmon jamoa futbolchilari va mezbonlar muxlislari o‘rtasidagi janjal bilan yakunlandi.
«Fenerbaxche» 87-daqiqada hal qiluvchi gol urib, g‘alaba qozondi.
Final hushtagi yangraganidan so‘ng «Fenerbaxche» futbolchilari g‘alabani maydon markazida hissiyot bilan nishonlashdi, bu esa mezbon jamoa muxlislariga yoqmadi. Ular maydonga yugurib tushishib, futbolchilar bilan mushtlashuvga kirishib ketishdi.
Turkiya chempionati turnir jadvalida «Fenerbaxche» 79 ochko bilan ikkinchi o‘rinda bormoqda. «Trabzonspor» 49 ochko bilan uchinchi band qilgan. Birinchi o‘rinni 81 ochko to‘plagan «Galatasaroy» egallab turibdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter