Yangi yil kechasi Toshkentda katta mushakbozlik bo‘ladi
Toshkent shahrida Yangi yil – 2018-yil 31-dekabrdan 2019-yil 1-yanvarga o‘tar kechasi, soat 24:00 da katta mushakbozlik tashkil etiladi.
Yangi yil kechasining «yorqin tomoshalari» poytaxtning turli manzillarida amalga oshiriladi.
Asosiy mushakbozlikni Xalqlar do‘stligi maydoni, Beshyog‘och maydoni, Seul hamda Bobur ko‘chalarida kuzatish mumkin bo‘ladi.
Poytaxtliklar va mehmonlar bayram mushakbozligini, shuningdek, Yunusobod tumanida – Yangi shahar ko‘chasi va Yangi Yunusobod ko‘chasi kesishmasi hamda Yangi shahar va Bog‘ishamol ko‘chalari kesishmasida; Chilonzor tumanida – Bunyodkor ko‘chasi va Kichik Xalqa avtomobil yo‘li ko‘chasi kesishmasi, Bunyodkor yo‘li ko‘chasi hamda «Milliy» stadionining Chilonzor va Cho‘ponota ko‘chalari kesishmasida joylashgan avtomobillar to‘xtash joyida tomosha qilishlari mumkin.
Yangi yil mushakbozligi tomoshalari O‘zbekiston milliy teleradiokompaniyasining barcha telekanallari orqali to‘g‘ridan-to‘g‘ri efirga uzatiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter