Yarim kilogramm sof oltinni Toshkentda o‘tkazmoqchi bo‘lganlar ushlandi
![Yarim kilogramm sof oltinni Toshkentda o‘tkazmoqchi bo‘lganlar ushlandi](https://xabar.uz/static/crop/1/5/920__95_1505983551.jpg)
Bosh prokuratura huzuridagi Departamentning Bulung‘ur tuman bo‘limi, DXXning Navoiy viloyati boshqarmasi va IIB xodimlari hamkorligida tezkor tadbir o‘tkazilgan.
Unda tuman hududidan o‘tuvchi M-38 avtomobil yo‘lining «Yuqori nuqta» YPX maskanida «Samarqand-Toshkent» yo‘nalishi bo‘yicha harakatlanayotgan «Cobalt» rusumli avtomashina yo‘lovchisi M.R.ning yonida fuqaro R.T. tomonidan Toshkent shaharida o‘tkazish uchun berib yuborilgan og‘irligi 463,94 gramm bo‘lgan bahosi 368 mln so‘mlik 2 dona sof quyma oltin bo‘lagini olib ketayotganligi aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter