Bashar Asad Moskvada yaxshi o‘rnashib oldi — OAV
OAV ma’lumotlariga ko‘ra, Suriyaning sobiq prezidenti Bashar Asad Moskvada yaxshi joylashib olib, xotirjam hayot kechirmoqda.
Asadning Moskva yaqinida koshonasi va «Moskva-Siti»da yigirmaga yaqin kvartirasi bor. U Suriyadan o‘zi bilan olib qochgan 250 million dollarning katta qismini ko‘chmas mulkka tikkan. Rossiya hukumati yollagan xususiy qo‘riqchilar Asad va oilasining osoyishtaligiga ko‘z-quloq bo‘lib turibdi.
Eslatib o‘tamiz, sentyabr oxirlarida Damashq sudi Bashar Asadni hibsga olish uchun order bergandi. Sobiq prezident 2011-yildagi Darayya voqealari bosh aybdori sifatida ko‘rilmoqda. Hibsga olish orderi qasddan odam o‘ldirish, o‘limga olib kelgan qiynoqlar va ozodlikdan mahrum qilish bo‘yicha ayblovlarni o‘z ichiga olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter