BMT Bosh Assambleyasida Atlantika okeani sohillari bo‘ylab amalga oshirilgan qul savdosini «insoniyatga qarshi qaratilgan eng og‘ir jinoyat» deb tan olish uchun ovoz berildi.

Ushbu qarorni 123 mamlakat qo‘llab-quvvatladi, 52 mamlakat — betaraf. Uch mamlakat — AQSh, Isroil va Argentina ushbu rezolyusiyaga qarshi ovoz berdi.

• Yoqlaganlar (123 mamlakat): Rossiya, Xitoy, Ukraina, Belarus, Serbiya va Afrika hamda Karib havzasi davlatlarining aksariyati.
• Qarshilar (3): AQSh, Isroil va Argentina.
• Betaraflar (52): O‘zbekiston, Buyuk Britaniya, Yevropa Ittifoqining barcha 27 a’zosi, Avstraliya, Armaniston, Albaniya, Afg‘oniston va boshqalar.

Rezolyusiyaning asosiy jihatlari:

• Afrikaliklarni qul qilish ko‘lami va tizimliligi sababli «eng og‘ir jinoyat» deb belgilandi.
• Hujjat qul qilingan insonlarning avlodlariga tovon to‘lash va tarixiy adolatni tiklash mexanizmlarini yaratishga chaqiradi.
• Olib chiqib ketilgan san’at asarlari va arxivlarni o‘z vataniga bepul qaytarish talab etiladi.

AQSh va boshqa qarshi davlatlar qulchilikni qoralasa-da, tarixiy voqealar uchun moddiy tovon to‘lash bo‘yicha huquqiy majburiyatlarni tan olmasligini bildirgan. Britaniya va Yevropa Ittifoqi davlatlari ham huquqiy asoslar yetarli emasligi sababli ovoz berishda betaraf qolgan.