БМТ Бош Ассамблеясида Атлантика океани соҳиллари бўйлаб амалга оширилган қул савдосини «инсониятга қарши қаратилган энг оғир жиноят» деб тан олиш учун овоз берилди.

Ушбу қарорни 123 мамлакат қўллаб-қувватлади, 52 мамлакат — бетараф. Уч мамлакат — АҚШ, Исроил ва Аргентина ушбу резолюцияга қарши овоз берди.

• Ёқлаганлар (123 мамлакат): Россия, Хитой, Украина, Беларус, Сербия ва Африка ҳамда Кариб ҳавзаси давлатларининг аксарияти.
• Қаршилар (3): АҚШ, Исроил ва Аргентина.
• Бетарафлар (52): Ўзбекистон, Буюк Британия, Европа Иттифоқининг барча 27 аъзоси, Австралия, Арманистон, Албания, Афғонистон ва бошқалар.

Резолюциянинг асосий жиҳатлари:

• Африкаликларни қул қилиш кўлами ва тизимлилиги сабабли «энг оғир жиноят» деб белгиланди.
• Ҳужжат қул қилинган инсонларнинг авлодларига товон тўлаш ва тарихий адолатни тиклаш механизмларини яратишга чақиради.
• Олиб чиқиб кетилган санъат асарлари ва архивларни ўз ватанига бепул қайтариш талаб этилади.

АҚШ ва бошқа қарши давлатлар қулчиликни қораласа-да, тарихий воқеалар учун моддий товон тўлаш бўйича ҳуқуқий мажбуриятларни тан олмаслигини билдирган. Британия ва Европа Иттифоқи давлатлари ҳам ҳуқуқий асослар етарли эмаслиги сабабли овоз беришда бетараф қолган.