Zamonaviy texnologiyalar energiya tejash borasida inqilobiy o‘zgarishlarni taqdim etmoqda. Olimlar tomonidan yaratilgan yangi avlod panellari endi oddiy oynalar orqali quyosh nuridan elektr energiyasini olish imkonini beradi. Bu ixtiro binolarning tashqi ko‘rinishini o‘zgartirmagan holda, ularni chinakam energiya manbaiga aylantiradi.

Ushbu panellar perovskit nomli maxsus kristall modda asosida yaratilgan. Ular an’anaviy qora quyosh panellaridan farqli o‘laroq, shaffof bo‘lib, yorug‘likni o‘zidan o‘tkazadi va bir vaqtning o‘zida elektr hosil qiladi.

Demak, endi har bir deraza yoki oynavand fasad o‘z elektr energiyasini ishlab chiqaruvchi mini-stansiyaga aylanishi mumkin. Ya’ni ko‘p qavatli uylar yoki ofis binolari uchun alohida joy kerak bo‘lmaydi. Binoning o‘zi energiya manbaiga aylanadi.

Bu kabi oynalar energiya xarajatlarini sezilarli darajada kamaytiradi va tabiiy resurslarni asrashga yordam beradi. Perovskit asosidagi texnologiyalar kelajakda ishlab chiqarish uchun anchayin arzon va qulay bo‘lishi kutilmoqda.

Hozirda mutaxassislar ushbu oynalarning mustahkamligini oshirish va turli ob-havo sharoitlariga chidamliligini ta’minlash ustida ishlamoqda. Yaqin kelajakda uylarimiz va ishxonalarimizdagi derazalar nafaqat yorug‘lik, balki bepul energiya manbaini ham taqdim etadi.

Aytish joizki, ushbu texnologiya aqlli shaharlar qurish va ekologik barqarorlikni ta’minlash yo‘lidagi ulkan qadamdir.