Kolumbiya prezidenti Gustavo Petro amerikalik hamkasbi Donald Trampga respublikadan tashqarida yashovchi narkobaronlar ro‘yxatini topshirganini va ularni birgalikda ta’qib qilish zarurligini ma’lum qildi.

"Giyohvand moddalar savdosida birinchi o‘rinni Dubay, Madrid, Mayamida yashovchilar egallaydi. Men ularning ismlari va ularga aloqador shaxslarni prezident Trampga topshirdim. Ularning pullari Kolumbiyadan tashqarida, ularni turli mamlakatlar razvedkasi bilan hamkorlikda birgalikda ta’qib qilish kerak," - dedi u Vashingtonda Amerika yetakchisi bilan uchrashuvdan so‘ng o‘tkazilgan matbuot anjumanida.

Petroning fikricha, transmilliy giyohvand moddalar savdosi ustidan g‘alaba qozonish uchun birinchi navbatda jinoiy to‘dalar rahbarlarini qo‘lga olish kerak, ular orasida kolumbiyaliklar ham bor, ammo ular ko‘pchilikni tashkil etmaydi.

Tramp va Petro 3 fevral kuni Oq uyda muzokara o‘tkazdi. Uchrashuvdan so‘ng Amerika prezidenti giyohvand moddalar savdosiga qarshi kurashda hamkorlik qilish bo‘yicha kelishuvga erishilganini aytdi.