KXDRga dronlar yuborgan Janubiy Koreya sobiq prezidenti 30 yilga qamaldi
Seul sudi Janubiy Koreyaning sobiq prezidenti Yun Sok Yolni Shimoliy Koreya hududiga harbiy dronlar yuborgani uchun 30 yilga ozodlikdan mahrum qildi.
Prokurorlarning fikricha, bu qaror 2024-yilda harbiy holat e’lon qilish uchun bahona yaratish maqsadida qabul qilingan.
Reuters agentligining xabar berishicha, Yun Sok Yol Pxenyan havo hududiga jangovar dronlar yuborish buyrug‘ini bergan.
Joriy yilning fevral oyida Yun Sok Yol 2024-yilda parlamentni falaj qilishga urinish deb hisoblangan harbiy holat e’lon qilgani uchun umrbod qamoq jazosiga hukm qilindi.
Prokurorlar o‘lim jazosini so‘rashgan edi.
2024-yil 3-dekabrda Yun Sok Yol «Shimoliy Koreya tarafdori» muxolifatning konstitutsiyaviy tuzumni buzishga urinishlarining oldini olish zarurligini aytib, harbiy holat e’lon qildi. U Janubiy Koreya Demokratik partiyasining unga qarshi impichment jarayonini boshlash rejasini shunday ta’rifladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter