Ugandaning amaldagi prezidenti, 81 yoshli Yoveri Museveni 15 yanvardagi saylovda g‘alaba qozondi.

Saylov komissiyasining dastlabki natijalariga ko‘ra, u 76,25 foiz ovoz oldi. BBC xabariga ko‘ra, uning asosiy raqibi, musiqachi Bobi Vayn 19,85 foiz ovoz oldi. 

Muxolifat qonunbuzarliklarni da’vo qilib, natijalarni rad etmoqda. Ovoz berish arafasida mamlakatda internet butunlay o‘chirilgan edi. Xuddi shunday holat 2021-yilgi saylovlarda ham sodir bo‘ldi. Vayn o‘z tarafdorlarini norozilik bildirishga chaqirdi, ammo hali ommaviy namoyishlar kuzatilmadi. Saylov kuni kechqurun Vaynning partiyasi xavfsizlik kuchlari uning Kampaladagi uyini o‘rab olganini xabar qildi. 

Yoveri Museveni 1986-yildan beri o‘z lavozimida ishlab kelmoqda. U hokimiyatga harbiy to‘ntarish orqali kelgan. O‘zining birinchi rasmiy nutqida u hukumati saylovlar o‘tkazilgunga qadar to‘rt yillik o‘tish davri davomida hokimiyatda qolishini va’da qildi. Tanqidchilar uni shaxsga sig‘inish yaratishda va muxolifatga bosim o‘tkazishda ayblamoqda.