Туркияда зилзила бўлишини олдиндан башорат қилган нидерландиялик сейсмолог Франк Хугербитс 2023 йилнинг март ойида бир қатор кучли ер силкинишлари кузатилишини айтди. SSGEOS илмий институтининг YouTube канали унинг навбатдаги прогнозини эълон қилди.

Унга кўра, 2 ва 5 март кунлари сайёраларнинг критик геометриясининг яқинлашиши 3-4 март ёки 6-7 март кунлари жуда катта сейсмик фаолликка олиб келиши мумкин. Сейсмологлар силкинишлар сайёранинг 12 нуқтасида кузатилиб, уларнинг магнитудаси 8,5 балл ва ундан юқори бўлишини таъкидламоқда.

«Бўрттираётганим йўқ, қўрқитмоқчи ҳам эмасман. Бу шунчаки огоҳлантириш, чунки сайёра геометрияси катта сейсмик ҳодисаларни келтириб чиқаради», — деди у.

Қизил зонага кирган ҳудудлар ҳам санаб ўтилган: булар Япониянинг жануби, Индонезия, Португалия, Греция, Покистон ва Шимолий Американинг бир қисми. Курил оролларида ҳам зилзила содир бўлиши прогноз қилинган.

Эслатиб ўтамиз, 6 февраль куни Туркияда собир бўлган  7,7 ва 7,6 магнитудали зилзилар оқибатида ҳалок бўлганлар сони 45 минг кишидан ошган.