Эммануэл Макронни «тухум билан сийлаган» эркак ҳибсга олинди
Лионда Франция президенти Эммануэл Макронга тухум улоқтирган эркак ҳибсга олинди. Бу ҳақда BFMTV телеканали маълум қилди.
Қўлга олинган фуқаро «давлат ҳокимияти берилган шахсга нисбатан зўравонлик» моддаси билан айбланмоқда.
Франция президентига Eurexpo кўргазмасига ташрифи чоғида унга қарата номаълум нарса улоқтирилган. Дастлабки маълумотларга кўра, бу тухум эканлиги аниқланган.
Хавфсизлик хизмати норозилик билдириб, «яшасин инқилоб!» деб бақирган йигитни ҳибсга олган.
Июн ойининг бошида, Франциянинг жануби -шарқидаги Дром бўлимига ташрифи чоғида, Макронга одамлардан бири шапалоқ туширганди.
Макронни урган одам тўрт ойлик қамоқ жазосига ҳукм қилинган. Макроннинг ўзи воқеанинг аҳамиятини ошириб юбормасликка чақирди ва французлар билан учрашувни давом эттиришини таъкидлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter