Исроил Эрон ҳудудига берган сўнгги зарбада мамлакат Миллий хавфсизлик олий кенгаши котиби Али Ларижоний асосий нишонлардан бири бўлгани айтилмоқда. Бу ҳақда халқаро ва Исроил ОАВлари манбаларга таяниб хабар беряпти.

Маълумотларга кўра, зарба Ларижоний келган деб тахмин қилинган махфий квартирага берилган. Айрим хабарларда у ўша жойда ўғли билан бўлгани ҳам айтилган. Ҳозирча унинг ҳалок бўлгани ёки тирик қолгани расман тасдиқланмаган.

Бироқ Исроил хавфсизлик тизимига яқин манбага кўра, бу ҳужумдан омон қолиш имконияти деярли бўлмаган.

Али Ларижоний Эрон сиёсий тизимида муҳим шахслардан бири ҳисобланади. У мамлакат Миллий хавфсизлик олий кенгаши котиби ҳамда Эрон ядро дастурининг «архитектори» сифатида қаралади. 2000-йилларда АҚШ билан ядро музокараларини бошқарган, кейинги йилларда эса Эрон–Хитой яқинлашувида асосий рол ўйнаган.

Шунингдек, у марҳум олий раҳбар Али Ҳоманаийнинг яқин иттифоқчиларидан бири бўлган ва мамлакатдаги ички норозиликларни бостириш ҳамда эҳтимолий урушга тайёргарлик ишларида иштирок этгани айтилади.

Эслатиб ўтамиз, ҳозирча Эрон томони Ларижонийнинг тақдири билан боғлиқ хабарларга муносабат билодирмаган.