Жазоир президентлигига сайлов номзод бўлмагани учун қолдирилди
Жазоир конституциявий суди икки номзод томонидан мамлакат президентлиги сайловида иштирок этиш учун берилган аризани рад этди. Шу тариқа 4 июлга белгиланган сайлов бошқа вақтга қолдирилди.
Жазоир президентлиги учун таниқли сиёсатчилар ўз номзодини қўйишни истамади. Шундан сўнг у қадар таниқли бўлмаган Абдулҳаким Хамад ва Хамид Туахри ўз номзодларини илгари сурган эди. Улар ўз аризаларида илова тариқасида шахсий ҳужжатлари, соғлиги тўғрисида маълумотнома, 60 минг фуқаро ёки 600 депутатнинг қўллаб-қувватлагани тўғрисида имзо тақдим этишган. Аммо конституциявий суд бу аризаларни рад этди.
Жазоирда 82 ёшли президент Абдулазиз Бутефлика муддатидан аввал ваколатидан воз кечганидан сўнг сиёсий инқироз бошланган эди. У 1999 йилдан буён мамлакатни бошқариб келаётган эди, аммо феврал ойида бошланган оммавий норозиликлар туфайли мамлакат бошқарувидан кетди.
Айни вақтда мамлакатни вақтинча парламент спикери Абдулқодир Бенсалах бошқариб келмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter