Украина президенти Владимир Зеленский Миллий хавфсизлик ва мудофаа кенгашининг Россия президенти Владимир Путин билан музокара олиб бориши мумкин эмаслиги ҳақидаги қарорини амалга татбиқ этиш бўйича фармонни имзолади.

Эълон қилинган фармонда Россия президенти билан музокара олиб бориш мумкин эмаслиги таъкидланган. Бундан ташқари, Зеленский Олий Радага «Россия Федерациясининг кескинлашувига тегишли санкциялар ва бошқа чоралар тўғрисида»ги қонун лойиҳаларини тезда қабул қилишни тавсия қилди.

«Бизнинг давлатимиз доимо Россияга тенг, ҳалол, муносиб ва адолатли шароитларда бирга яшашга келишиб олишни таклиф қилган. Шубҳасиз, бу Россия президенти билан бу мумкин эмас. У қадр-қиммат ва ҳалоллик нималигини билмайди», — дейди Зеленский.

Украина президенти 30 сентябрь куни бўлиб ўтган Миллий хавфсизлик ва мудофаа кенгаши йиғилишидан сўнг, Киев Москва билан музокараларга тайёр эканини айтган эди.

Шу куни Россия президенти Владимир Путин Украина раҳбарияти билан музокараларга тайёр эканини маълум қилди. Унинг аниқлик киритишича, агар Киев манфаатдор бўлса, мулоқот бўлиши мумкин. Бунгача Зеленский референдум натижалари тан олинса, Путин билан музокаралар ўтказиш имкониятини рад этган эди. Путин ва Зеленскийнинг учрашувини Туркия президенти Ражаб Тоййиб Эрдўған таклиф қилган.