Жаҳон бозорида олтиннинг спот нархи 2025 йил ноябридан бери илк бор бир трой унция учун 4 минг доллардан пастга тушди.

Мутахассислар бунга асосий сабаб сифатида АҚШ долларининг мустаҳкамланаётгани ва мамлакат Федерал захира тизимининг қатъий пул-кредит сиёсатига оид сигналларини кўрсатмоқда.

Доллар қадрининг кўтарилиши туфайли олтин бошқа валюталар эгалари учун қимматлашиб, унга бўлган талаб пасайган.

Бозор иштирокчилари АҚШда инфляция хавфи сақланиб қолаётгани, шунингдек, Эрон атрофидаги геосиёсий кескинлик фонида Федерал захира тизими жорий йилда фоиз ставкаларини юқори даражада ушлаб туриши ёки яна ошириши мумкинлигини кутмоқда.

Шу муносабат билан ING банки таҳлилчилари ҳам олтин нархи бўйича прогнозини пасайтирди. Энди банк ҳисоб-китобларига кўра, 2026 йилнинг учинчи чорагида олтиннинг ўртача нархи бир унция учун 4 300 доллар, тўртинчи чоракда эса 4 600 доллар атрофида бўлади.

Аввалроқ ING учинчи чорак учун 4 850 доллар, тўртинчи чорак учун эса 5 000 долларлик прогнозни тақдим этган эди.