Трамп Исроилга етиб келди
АҚШ президенти Дональд Трампнинг самолёти Исроилдаги Бен-Гурион аэропортига қўнди. Бу сафар – Исроил ва ҲАМАС ўртасидаги урушни тўхтатиш ва тинчлик ўрнатиш бўйича унинг режаси амалга оширилаётган пайтга тўғри келди.
Reuters агентлиги хабарига кўра, Трампнинг ташрифи гаровдагиларнинг илк етти нафари озод этилганидан сўнг амалга ошган.
АҚШ президентининг режасига мувофиқ, у яқин вақт ичида Исроил парламенти – Кнессетда чиқиш қилиши, шундан сўнг эса Мисрнинг Шарм-эл-Шайх шаҳрига йўл олиши кутилмоқда. У ерда Ғазо секторидаги можарони сиёсий йўл билан ҳал этиш бўйича халқаро саммит ўтказилади.
Трампни аэропортда Исроил Бош вазири Биньямин Нетаньяху ва унинг рафиқаси, шунингдек, АҚШ президентининг махсус вакили Стив Уиткофф, маслаҳатчиси Жаред Кушнер ва унинг рафиқаси Иванка Трамп кутиб олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter