Венгрия ва Украина ўртасида «Дружба» нефт қувури бўйича кескин баёнотлар алмашинуви кузатилди.

24 август куни Киевдаги матбуот анжуманида Украина президенти Владимир Зеленский Венгриянинг Украинани Евроиттифоққа аъзо бўлиш масаласида қўллаб-қувватламагани «Дружба» нефт қувурига қилинган зарбалар билан боғлиқ бўлиши мумкинлигини айтиб ўтди.

Бу сўзларга жавобан Венгрия ташқи ишлар вазири Петер Сийярто Украина раҳбариятини «энергетик хавфсизликка тажовуз қилишда» айблаб, Зеленскийни мамлакатга таҳдид қилишни тўхтатишга чақирди.

Ордан кўп ўтмай, Украина ташқи ишлар вазири Андрей Сибига баёнот билан чиқди.

«Мен венгрларча жавоб бераман. Сиз Украина президентини нима қилиш ёки гапиришини кўрсатишингиз шарт эмас. У – Украина президенти, Венгрияники эмас», – деди у.

Август ойи бошидан бери Украина дронлари «Дружба» нефт қувурига бир неча бор зарба берган. Натижада Венгрия ва Словакия Россиядан нефть оладиган ушбу қувур иши вақтинчалик тўхтаб қолган.