Эрон Исроилнинг ҳужумига «тез, тўғридан-тўғри ва қатъий» жавоб беради — Элчи
Эроннинг Дамашқдаги элчиси Ҳусайн Акберининг айтишича, унинг мамлакати Дамашқдаги Эрон консуллиги биносига Исроил ҳаво ҳужуми уюштирганига «тез, тўғридан-тўғри ва қатъий» жавоб қайтаради.
Эроннинг IRNA расмий ахборот агентлигининг хабар беришича, Исроил қирувчи самолётлари ёрдамида Дамашқдаги Эрон консуллиги биносига 6 марта ракета зарбасини берган.
Ҳужум натижасида икки нафар генерал ҳамда элчихонанинг 5 нафар ходими ҳалок бўлди.
Сурия ташқи ишлар вазири Файсал ал-Миқдод Дамашқдаги ҳужумга учраган Эрон элчихонаси мажмуасига ташриф буюрди.
«Бегуноҳ одамларнинг ўлимига сабаб бўлган бу ҳужумни кескин қоралаймиз. Сурия Эронни қўллаб-қувватлашда давом этади. Исроилнинг бу ҳужуми Ғазодаги Фаластин халқига қарши урушдаги муваффақиятсизлигининг бир кўринишидир», деган Сурия вазири.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter