Кипрнинг Пафос шаҳрида «Жаҳон тожи» учун FIDE Candidates Tournament 2026 нуфузли халқаро мусобақаси бўлиб ўтмоқда (28 март – 16 апрел).

Турнирда Ўзбекистон шарафини ҳимоя қилаётган иқтидорли шахматчи Жавоҳир Синдаров (рейтинг 2 745) юқори савияда иштирок этиб, чемпионлик учун кураш олиб бормоқда.

Турнир ғолиби амалдаги жаҳон чемпиони Гукеш Доммаражуга қарши жаҳон тожи учун расмий матч ўтказиш ҳуқуқини қўлга киритади.

1 апрел куни ўтказилган 4-тур баҳслари турнир жадвалида муҳим бурилиш ясади. Ушбу турда Жавоҳир Синдаров АҚШ вакили Фабиано Cаруанани 1:0 ҳисобида мағлуб этиб, мусобақа пешқадамига айланди.

4-турдан сўнг натижалар қуйидагича:

1-ўрин – Жавоҳир Синдаров – 3,5 очко
2-ўрин – Фабиано Каруана – 2,5 очко
3–5-ўринлар – Аниш Гири, Рамешбабу Прагнанандҳа, Маттиас Блюбаум – 2 очкодан
6–7-ўринлар – Ҳикару Накамура, Вэй И – 1,5 очкодан
8-ўрин – Андрей Есипенко – 1 очко

Навбатдаги 5-турда Жавоҳир Синдаров қора доналарда Ҳикару Накамурага қарши баҳс олиб боради. Учрашув 3 апрел куни Тошкент вақти билан соат 17:30 да бошланиши режалаштирилган.