Ўзбек курашчилари Туркиядаги зилзила ўчоғидан олиб чиқилди
Туркиядаги зилзила ўчоғидан ўзбек спортчилари олиб чиқилди. Бу ҳақда Миллий олимпия қўмитаси хабар бермоқда.
Маълум қилинишича, Туркиянинг Қаҳрамонмараш шаҳридаги халқаро мусобақада иштирок этган спорт курашлари бўйича Ўзбекистон ёшлар терма жамоаси Ўзбекистоннинг Туркиядаги элчихонаси кўмагида Анқара шаҳрига олиб келинган.
Ҳозирда барча спортчиларнинг саломатлиги яхшилиги, режага мувофиқ, Истанбул орқали Тошкентга учиши айтилмоқда.
Эслатиб ўтамиз, кеча, 6 феврал куни Ўзбекистон футбол ассоциацияси Туркияда йиғин ўтказаётган турли ёшдаги Ўзбекистон терма жамоалари билан доимий мулоқотда бўлиб туришганини ва зилзила оқибатида футболчиларга зарар етмаганлигини маълум қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter