Турмуш тарзидаги кичик ўзгаришлар юрак-қон томир касалликлари хавфини сезиларли даражада камайтириши мумкин. Бу хулосага олимлар 53 000 дан ортиқ одамларнинг маълумотларини таҳлил қилгандан сўнг келишди. Натижалар Европа профилактик кардиология журналида чоп этилди. 

Тадқиқот тахминан саккиз йил давом этди. Иштирокчилар уйқу ва жисмоний фаолликни ўлчаш учун асбоблар тақиб юришди ва овқатланишлари ҳақида хабар беришди. Олимлар бу маълумотларни юрак хуружи, инсульт ва юрак етишмовчилиги хавфи билан таққосладилар. 

Маълум бўлишича, ҳатто минимал ўзгаришлар ҳам таъсир кўрсатади. Қўшимча 11 дақиқа уйқу, кунига бир неча дақиқа жисмоний фаоллик ва сабзавот истеъмолининг озгина ошиши хавфнинг 10 фоизга камайиши билан боғлиқ бўлиб чиқди. 

Энг муҳим таъсир омилларни бирлаштирганда кузатилди. 8-9 соат ухлаш, мунтазам жисмоний фаоллик ва тўғри овқатланиш касалликлар хавфини 57 фоизга камайтириш билан боғлиқлиги аниқланди. 

Муаллифлар тадқиқот тўғридан-тўғри сабаб-оқибат боғлиқлигини исботламаслигини таъкидлайдилар. Бироқ, натижалар шуни кўрсатадики, одатлардаги кичик ўзгаришлар ҳам юрак-қон томир саломатлигига сезиларли таъсир кўрсатиши мумкин.