Қашқадарёда 7-синф ўқувчиси турмушга берилаётгани хабарига изоҳ берилди
Бугун ижтимоий тармоқларда 7-синф қизнинг турмушга узатилаётгани ҳақида хабар тарқалди.
Ушбу хабар Қашқадарё вилоят ҳокими ўринбосари томонидан манзилли ўрганилди, дея маълум қилмоқда Оила ва хотин-қизлар қўмитаси вакили Саодат Боймирзаева.
Маълум бўлишича, ҳолат Қашқадарё вилоятининг Кўкдала туманида бўлиб, қизчанинг ота-онаси ва бувиси видеодаги ҳолат аслида фарзандининг туғилган куни муносабати билан ўтказилган маросим эканлиги тўғрисида тушунтириш бериб ўтганлар.
Масъуллар томонидан Д.К нинг ота-онаси аёлни турмушга чиқишига мажбурлаш учун жиноий жавобгарлик мавжуд эканлиги тўғрисида огоҳлантирилди.
Шунингдек, Д.К. нинг ота-онаси ўз тушунтиришида видеодаги ҳолат тўй ёки унаштирув маросими эмаслиги ва қизини эрта турмушга бериш нияти йўқлиги, унга таълим бериш ва шифокор бўлиб етишиши ниятида эканликларини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter