ФИФА Жаҳон чемпионати: Испания Португалияни, Бельгия АҚШни мағлуб этди. 

Жаҳон чемпионатининг 1/8 финал босқичида яна иккита ўйин бўлиб ўтди. Биринчи ўйинда Испания Португалияни 1:0 ҳисобида мағлуб этиб, 2010 йилги Жаҳон чемпионатидаги ғалабасидан бери биринчи марта чорак финалга йўл олди. Ярим ҳимоячи Микел Мерино қўшимча вақтда гол урди.

Португалия бош мураббийи Роберто Мартинес мағлубиятдан сўнг истеъфога чиқишини эълон қилди ва 41 ёшли португалиялик сардор Криштиану Роналду финал ҳуштагидан кейин майдонда йиғлаб юборди. 

 Иккинчи ўйинда Бельгия АҚШНИ 4:1 ҳисобида мағлуб этди. Шарл де Кетелаэре иккита гол урди, Ханс Ванакен ва Ромелу Лукаку эса биттадан гол уришди. Америкаликлар сафида Малик Тиллман гол урди. 

Ўйиндан олдин АҚШ терма жамоаси ҳужумчиси Фоларин Балогуннинг дисквалификацияси бўйича тортишувлар авж олди. Кейинчалик АҚШ президенти Доналд Трамп ФИФА президенти Жанни Инфантинодан ҳужумчининг қизил карточкадан кейин автоматик дисквалификациясини қайта кўриб чиқишни шахсан сўраганини тасдиқлади. Бироқ, Балогуннинг майдонда бўлиши америкаликларга ёрдам бермади. 

Испания ва Белгия чорак финалда ўзаро тўқнаш келишади.