Баҳодир Жалоловга кучлироқ рақиб топилди
![Баҳодир Жалоловга кучлироқ рақиб топилди](https://xabar.uz/static/crop/2/1/920__95_2101920178.jpg)
Профессионал боксда фаолият олиб бораётган супероғир вазнли чарм қўлқоп устаси Баҳодир Жалолов навбатдаги жангини кимга қарши ва қачон ўтказиши маълум бўлди. Бу ҳақда Миллий олимпия қўмитаси матбуот хизмати хабар берди.
Эслатиб ўтамиз, Баҳодир яқинда, 29 сентябрь куни мексикалик Эдуардо Вителага қарши жанг қилиб, биринчи раунддаёқ рақибини нокаутга учратганди.
Энди Жалоловнинг рақиби америкалик Тайрел Райт бўлади. Олти раундлик жанг 27 октябрь куни Нью-Йорк шаҳридаги машҳур «Madison Square Garden» аренасида бўлиб ўтади.
Тайрел Райт профессионал боксдаги фаолиятини 2012 йилда бошлаган. Шу вақтгача 13 маротаба рингга кўтарилиб, уларнинг 9 тасида ғалаба қозонган (олтита жангда нокаут эвазига рақибларидан устун келган). Иккита баҳсда имкониятни бой берган. Яна иккитасида дурангга эришган.
Жалолов эса шу кунгача профрингда икки маротаба жанг ўтказиб, уларнинг иккисида ҳам рақибларини нокаутга учратган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter