Бухородаги ёнғинда 5 ёшли қизалоқ нобуд бўлди
2019 йилнинг 23 декабрь куни соат 00 дан 48 дақиқа ўтганда Бухоро шаҳрининг Махтумқули кўчасида жойлашган 9-уйда ёнғин бўлаётганлиги ҳақида ёнғин-қутқарув қисмига хабар келиб тушган. Бу ҳақда ФВВ ЁХББ ОАВ билан ҳамкорлик қилиш бўлинмаси маълум қилди.
Воқеа жойига 2 та ёнғин ўчириш бўлинмалари жалб этилган. Кўрилган тезкор ҳаракатлар натижасида ёнғин соат 01:05 да қуршаб олинган ва соат 02:15 да тўлиқ бартараф этилган.
Ачинарлиси, ёнғинни ўчириш вақтида уй эгасининг 2014 й.т. қиз набирасини куйган ҳолдаги жасади топилган. Ёнғинни келиб чиқиш сабаби иситиш қозони дудбуронининг нотўғри ўрнатилиши деб тахмин қилинмоқда.
Мазкур ҳолат юзасидан терговга қадар текширув ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter