2019 йил 28 сентябрь куни Тошкент шаҳрида мобиль илова яратиш бўйичаа Ucell ва IT-Park ташкил этган «Ucell mobile challenge 2019» танловининг саралаш босқичи бўлиб ўтади!

Иштирокчиларга қуйидаги вазифалар қўйилади:

• мобиль алоқа оператори учун ноёб лойиҳани (мобиль илова) ишлаб чиқиш;
• лойиҳани уяли алоқа абонентларининг мобиль рақамлари билан боғлаш;
• лойиҳани даромад манбаига айлантириш усулини топиш.

Иштирокчилар қуйидаги йўналишлар бўйича рақобатлашишади:

• Энг яхши савдо иловаси: кафе ва ресторанлар; савдо вакиллари учун тизим; савдо майдончаси.
• Мамлакат меҳмонлари ва фуқаролари учун энг яхши фойдали илова: туризм; такси.
• Fintex соҳасидаги энг яхши дастур: скоринг тизими; кредит платформаси; пул маблағлари ва молиявий бошқарувни мониторинг қилиш ва ҳисобга олиш платформаси; необанк; смартфон орқали тўлов.

Иловага қўйиладиган умумий талаблар:

• Бир ёки бир нечта бизнес муаммоларини ҳал қилади;
• Бошқа тизимлар билан осон бирлашади;
• Тез жорий этилиши имконияти;
• Ишга тушириш ва эга бўлиш учун оқилона қийматга эга;
• Ахборот хавфсизлиги нуқтаи назаридан ишончли;
• Интуитив тушунарли интерфейс.

Танлов ғолиблари пул мукофоти билан тақдирланадилар:

– биринчи ўрин – 300 млн. сўм;

– иккинчи ўрин – 200 млн. сўм;

– учинчи ўрин – 100 млн. сўм.

Танловда қатнашишга ва «Ucell mobile challenge 2019» дастуридан ўз лойиҳангизни ривожлантириш учун кўмак олишга шошилинг!

• Барча хоҳловчилар ўз аризаларини қуйидаги манзилга юборишлари мумкин: https://it-park.uz/ru/ucell/ (rus) ёки https://it-park.uz/uz/ucell-ariza/ (uzb)

* Танлов доирасида тақдим этилган маҳсулотлар Ucell компаниясининг мулкига айланади.

Танловда қатнашиш учун исталган киши 2019 йил 21 сентябргача ўз аризасини юбориши ва йирик миқдордаги пул мукофотини ютиб олиши мумкин.