Президент Қорақалпоғистонни ижтимоий-иқтисодий ривожлантиришга доир ҳужжатни имзолади
Жорий йил 14 август куни Президентнинг «Қорақалпоғистон Республикасини ижтимоий-иқтисодий ривожлантиришга қаратилган чора-тадбирларни янада жадаллаштириш тўғрисида»ги ПҚ–248-сон қарори қабул қилинди.
Ҳужжатга мувофиқ, қуйидагилар 2025–2026 йилларда Қорақалпоғистон Республикасини барқарор ижтимоий-иқтисодий ривожлантиришнинг асосий мақсадли кўрсаткичлари этиб белгиланди, жумладан:
- ялпи ҳудудий маҳсулот ҳажмини ўртача 6–6,5 фоизга етказиш;
- саноат ишлаб чиқариши ҳажмини 5–6 фоизга етказиш;
- бозор хизматлари ҳажмини 15–17 фоизга етказиш.
Қарорга кўра, Қорақалпоғистон Республикасини 2035 йилгача ривожлантириш бўйича стратегия 5 йиллик батафсил дастур асосида амалга оширилади.
Дастурни молиялаштириш учун натижага асосланган молиялаштириш тизими (PforR) бўйича 150–200 миллион АҚШ доллари миқдоридаги хорижий маблағлар жалб қилинади.
Манба: t.me
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter