Путин фронт чизиғини музлатишга тайёр, фақат бир шарти бор...
Россия президенти Владимир Путин Аляскадаги музокараларда Херсон ва Запорожье вилоятларида фронт чизиғини музлатиш таклифини билдирди. Бу ҳақда Axios хабар берди.
Манбага кўра, Америка томонида Донбасс ҳудуди эвазига Россия раҳбари жанговар ҳаракатларни тўхтатишга ва Украинанинг бошқа ҳудудларини босиб олишга уринмаслик мажбуриятини олишга тайёр, деган таассурот пайдо бўлган.
Аляскадаги учрашувда Россия етакчиси Трампни, агар Россия қуролли кучлари хоҳласа, гўёки бутун Донбасс ва жанглар давом этаётган бошқа ҳудудларни назорат остига олиши мумкинлигига, ишонтирган. Украина президенти Владимир Зеленский эса Путин «фронтдаги вазиятни бузиб кўрсатмоқда», дея эътироз билдирди.
Аввалроқ Трамп бутун Донбассни Россияники деб тан олиш тинчлик битимига тезроқ эришишда ёрдам бериши мумкин, деганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter