Руҳий касалхонадан қочган бемор аёл ушланди
Миллий гвардия ходимлари руҳий касалликлар шифохонасидан қочиб кетган аёлни ушлаб, муассасага қайтарди. Бу ҳақда Миллий гвардия ахборот хизмати хабар берди.
Жорий йилнинг 27 май куни тахминан тонги соат 04:10 да Қорақалпоғистон Республикаси Ақманғит блок постида хизмат вазифасини ўтаётган Миллий гвардия ҳарбий хизматчилари А.Рауажов ва Ф.Халбаев мақсадсиз юрган аёлни тўхтатиб, бундай вақтда нима сабабдан юрганлиги сўралганда, аёлнинг ўзини тутишидан руҳан соғломлигига шубҳа қилинади. Зудлик билан профилактика инспектори чақирилиб, вазиятга ойдинлик киритилади.
Аёл 1982 йилда туғилган У.А. эканлиги ва кўп йиллардан бери даволаниб келаётган Қорақалпоғистон Республикаси Руҳий касалликлар шифохонасидан қочганлиги аниқланган. Аёл касалхонага олиб бориб жойлаштирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter