ССВ коронавирус бўйича тарқалган янги хабарларга муносабат билдирди
Соғлиқни сақлаш вазирлиги сўнгги икки сутка ичида коронавирус тарқалиши кескин кўпайганлигига оид хабарларга расмий муносабат билдирди.
Турли постларда шахсларини ошкор қилмаган манбалар шифохоналарда жой қолмаганлиги, айниқса, Зангиотадаги юқумли касалликлар шифохоналаи тўлиб кетганлиги, реанимация бўлимларида беморлар оғир аҳволда эканлиги тўғрисидаги аудиохабарлар йўллаганлар.
Вазирлик матбуот котиби Фурқат Санаевнинг фикрига кўра, ҳозирда 4 минг шифо ўринга эга бўлган Зангиотадаги иккита даволаш муассасаларида минглаб бўш ўринлар мавжуд. Ўринларга эҳтиёж йўқлиги учун Зангиота 2-юқумли касалликлар шифохонасининг “А” блоги тўлиқ ёпилган, “В” блогининг ҳам битта бўлими бутунлай, иккинчи бўлимининг эса ярми ёпилган. Демак, асоссиз хавотирга ўрин йўқ, ваҳималардан қўрқмаслик, аммо шу билан бирга кўп марта айтилган санитария ва гигиена қоидаларини унутмаслик керак.
Эслатиб ўтамиз, 12-13 март кунлари Ўзбекистонда коронавирус юқтирганлар сони ошган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter