Туркиядаги ЙТҲ оқибатида ўзбекистонлик аёл оиласи билан ҳалок бўлди
11 июн куни соат 06:00 атрофида Туркиянинг Истанбул шаҳри Чокмекўй ҳудудидан ўтувчи Шимолий Мармара автомагистралида оғир йўл-транспорт ҳодисаси содир бўлди.
Маълум қилинишича, аэропортдан қайтаётган 29 ёшли эркак бошқарувидаги енгил автомобил шу йўналишда ҳаракатланаётган юк машинасига орқадан келиб урилган. Кучли зарба оқибатида автомобил юк машинаси остига кириб кетган.
Оқибатда ҳайдовчи, унинг Ўзбекистон фуқароси бўлган 31 ёшли турмуш ўртоғи ҳамда 2 ойлик ўғли ҳалок бўлган.
Хабарга кўра, Санжактепе туманида яшаган ва тўрт йилдан буён турмуш қурган эр-хотиннинг 3 ёшли яна бир фарзанди бор. Ҳодиса пайтида бола ота-онаси билан бўлмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter