Япония парламент биносида наша топилди
Япония парламенти биноси яқинидаги боғда наша ўсаётгани аниқланди. Бу ҳақда «Sabah» хабар бермоқда.
«BBC» маълумотларига кўра, парламентнинг юқори палатаси аъзоларининг хизмат офислари яқинидаги боғчада наша ўсаётгани маълум бўлди.
Наша ўсимлигини бир зироатчи кўриб қолган ва уни юлиб ташлаган.
Нашани бу ерга ким эккани маълум эмас.
Сенаторлардан бири наша уруғини шамол учириб келган ёки қушлар ташлаб кетган бўлиши мумкин дея тахмин қилди.
Кунчиқар юртда наркотик моддалар истеъмол қилиш қаттиқ тақиқланади. Наркотик модда истеъмол қилиш у ёқда турсин, ҳатто уни сақлаганлар ҳам 5 йилгача озодликдан маҳрум қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter