Осиё чемпионати: 10 нафар ўзбекистонлик боксчи финалда
Таиландда бокс бўйича ўтаётган U19 ёш тоифасидаги Осиё чемпионати баҳсларида ярим финал беллашувлари ўтказилди. Қувонарлиси, унда қизлар терма жамоамизнинг 4 нафари, йигитларимиздан эса 6 нафари финал босқичига йўл олди.
Шунингдек, бугунги жанглардан сўнг Абдураҳмон Маҳмуджонов, Мафтуна Янгиева ҳамда Рухшона Парпиева ўз вазн тоифаларида бронза медали билан тақдирланди.
Эслатиб ўтамиз, бундан аввал Ўзбекистон U22 терма жамоасининг 14 нафар аъзоси финал йўлланмасини қўлга киритган эди.
Финал беллашувлари 10-11 август кунлари бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter