Сенегал ўз тарихида иккинчи марта Африка кубогини қўлга киритди.
Африка миллатлар кубоги финалида Марокаш ва Сенегал терма жамоалари ғолиблик учун курашди.
Ўйиннинг асосий вақти жанжал билан якунланди. 90+3-дақиқада бош ҳакам Сенегалнинг голини ҳужумдаги қўполлик туфайли бекор қилди. Орадан бир неча дақиқа ўтиб, ҳакам сенегалликлар дарвозаси томон пеналти белгилади. Улар бу қарордан норози бўлиб, майдонни тарк этишди. Аммо кўп ўтмай Сенегал футболчилари майдонга қайтишди ва пеналти ижро этилди: Браим Диаснинг кучсиз ва тўғридан-тўғри дарвоза марказига йўналтирилган зарбаси Эдуард Мендининг қўлига бориб тушди.
Қўшимча вақтда (94-дақиқа) Папе Гуйе мезбонлар дарвозасига киритган гол сенегалликларга ғалаба келтирди.
Сенегал ўз тарихида 2-марта Африка кубогини қўлга киритди. Аввалги ғалаба 2021 йилда қўлга киритилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter