Bugun Namanganda ikkinchi zilzila qayd etildi
O‘zbekistonda so‘nggi bir sutka ichida ikkinchi zilzila qayd etildi. Bunisining ham markazi Namangan viloyatining Pop tumanida joylashgan.
FVV yozishicha, bugun 6-dekabr Toshkent vaqti bilan soat 19:18 da epitsentri Pop tumanida joylashgan zilzila qayd etilgan.
Yer silkinishi kuchi Pop tumanida 2-3 ball (15 km), Dang‘ara tumanida 2 ballga (27 km) teng bo‘ldi.
Silkinish magnitudasi — 3,4. Chuqurligi — 11 km.
Epitsentr Toshkentdan 133 km janubi-sharqda joylashgan. Koordinatalari: 40,88 N, 70,72 E
Ma’lumot uchun: 6-dekabrga o‘tar kechasi soat 2:04 da ham o‘chog‘i Namangan viloyati Pop tumanida joylashgan zilzila ro‘y bergan edi. Uning epitsentrdagi sezilish kuchi: 5 ball, magnitudasi 4,5, chuqurlik 17 km bo‘lgan. Epitsentr Toshkent shahridan 135 kilometr olisda joylashgan.
Birinchi zilzila vodiydan tashqarida ham sezilgan edi: Namanganda 3 ball, Farg‘onada 2-3 ball, Andijonda 2 ball, Toshkent va Sirdaryoda 2 ballga teng yer silkinishi qayd etilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter