Vazirlar Mahkamasining 306-sonli qarori bilan ijro etuvchi hokimiyat organlari va davlat korxonalarida autsorsing xizmatlarini tashkil etish tartibi tasdiqlandi.

Yangi nizomga ko‘ra, autsorsing xizmati quyidagi shartlar asosida amalga oshiriladi:

• autsorserni aniqlash;
• korrupsiya va manfaatlar to‘qnashuvi holatlariga yo‘l qo‘ymaslik;
• autsorser tomonidan funksiyalarning sifatli bajarilishi;
• davlat buyurtmachisining funksiyalarini bajarish bilan band bo‘lgan xodimlar sonini (shtatini) qisqartirish.
  
  Ishtirokchilarga nisbatan quyidagi talablar qo‘yiladi:
• tadbirkor sifatida ro‘yxatdan o‘tgan bo‘lishi;
• beriladigan funksiyalar yo‘nalishida kamida 6 oy faoliyat olib borgan bo‘lishi;
• autsorsing shartnomasini bajarish uchun yetarli ish tajribasi hamda boshqa resurslarga ega bo‘lishi;
• soliq va yig‘imlarni to‘lash bo‘yicha muddati o‘tgan qarzdorligi mavjud bo‘lmasligi;
• ishtirokchining sud qarorlari bo‘yicha bajarilmagan majburiyatlari mavjud emasligi.

Autsorsing xizmati ko‘rsatilishi yuzasidan nazorat va monitoring davlat buyurtmachisi tomonidan shartnomada belgilangan shartlarda va muddatlarda amalga oshiriladi.