Ko‘k choyni muntazam iste’mol qilish turli sabablar ortidan yuzaga keladigan o‘lim xavfini kamaytirishi mumkin. Bu xulosaga Vetnamning 42 000 dan ortiq aholisining ma’lumotlarini tahlil qilgan olimlar kelishdi. Tadqiqot natijalari Nutrients jurnalida chop etildi. 

Maqolada Prospective Cohort Study tadqiqotining katta istiqbolli ma’lumotlari ishlatilgan. 10 yoshdan oshgan ishtirokchilar 2007-yildan 2019-yilgacha kuzatilgan va ularning ovqatlanishi oziq-ovqat so‘rovnomalari yordamida baholangan.

O‘rtacha 11 yillik kuzatuv davrida tadqiqotchilar 2494 ta o‘limni qayd etishdi. 

Tahlil ko‘k choy iste’moli va o‘lim xavfi o‘rtasida teskari bog‘liqlikni aniqladi: iste’mol qancha yuqori bo‘lsa, umumiy xavf shuncha past bo‘ladi. Bu bog‘liqlik, ayniqsa, erkaklarda kuchli edi. Shunga o‘xshash himoya ta’siri turli kichik guruhlarda kuzatildi: yosh va katta yoshdagi ishtirokchilar, chekuvchilar va chekmaydiganlar, shuningdek, 2-toifa diabetga chalingan va chalinmagan odamlar. 

Mualliflar tadqiqot bog‘liqlikni ko‘rsatishini, ammo ko‘k choyning umr ko‘rish davomiyligiga bevosita ta’sirini isbotlamasligini ta’kidlaydilar. Biroq, natijalar uning tarkibidagi biologik faol moddalarning foydalari haqidagi ma’lumotlarni tasdiqlaydi.