«FlyNas» aviakompaniyasiga Jidda va Toshkent o‘rtasidagi aviaqatnov uchun ruxsat berildi
Saudiya Arabistonining «FlyNas» aviakompaniyasiga Jidda – Toshkent – Jidda yo‘nalishida muntazam aviaqatnovlarni amalga oshirish uchun ruxsatnoma berildi.
Aviakompaniya 15-sentyabrdan ushbu yo‘nalish bo‘yicha reyslarni amalga oshirishni boshlaydi.
Qayd etilishicha, «O‘zaviatsiya» agentligi tomonidan 2022-yil 26-avgustda «FlyNas» (Saudiya Arabistoni) aviakompaniyasining 2021-yil 25-iyundagi 12-K-sonli Ekspluatatsion ruxsatnomasiga O‘zbekiston Respublikasiga muntazam reyslarni amalga oshirish uchun yangi Jidda – Toshkent – Jidda yo‘nalishi kiritilgan.
Aviakompaniya Jidda – Toshkent – Jidda yo‘nalishida haftasiga uch marotabadan parvozlarni amalga oshirishni rejalashtirgan.
«FlyNas» aviakompaniyasi O‘zbekistonga muntazam parvozlarni Airbus 320 havo kemalarida amalga oshiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter