Saudiya Arabistonida dunyodagi eng baland bino Rise Tower qurilishi rejalashtirilgan. Binoning balandligi 2000 metrga yetadi, bu BAAning Dubay shahridagi hozirgi rekordchi Burj Xalifadan ikki baravar ko‘p. 

Majmuaning 678 qavatida hashamatli mehmonxonalar, yuqori klassdagi restoranlar, panoramali kuzatuv maydonchalari va premium biznes markazlari joylashadi. 

Time Out Dubai ma’lumotlariga ko‘ra, osmono‘par bino Saudiya Arabistoni poytaxti Ar-Riyod shimolidagi Vision 2030 dasturining markaziy qismi bo‘ladi. Ushbu dastur Saudiya Arabistonining neftga qaramligini kamaytirish, iqtisodiyotini diversifikatsiya qilish va sog‘liqni saqlash, ta’lim, infratuzilma, dam olish va turizmni rivojlantirishga qaratilgan. Bu turizmni rivojlantirish va qirollikning shahar infratuzilmasini modernizatsiya qilish strategiyasining bir qismidir. 

Shaharsozlik dasturi nafaqat ikki kilometrlik minora, balki Saudiya Arabistonining ikkinchi yirik shahri Jidda shahrida bir kilometrlik osmono‘par bino qurish rejalarini ham o‘z ichiga oladi.