Erdo‘g‘on Turkiya Markaziy banki rahbarini almashtirdi
Hofiz Gaye Erkan iste’foga chiqishni so‘ragach, Fotih Karaxan Turkiya Markaziy bankining yangi rahbari bo‘ldi. Bu haqda hukumatning rasmiy matbuot organi xabar berdi.
Bungacha Fotih Karaxan Turkiya Markaziy banki raisi o‘rinbosari lavozimida ishlagan.
Fotih Karaxan 1982 yili Eskishehirda tug‘ilgan va 2006 yili Bosfor universitetini matematika va sanoat muhandisligi bo‘yicha tamomlagan. 2012 yilda AQShning Pensilvaniya universitetida iqtisod bo‘yicha magistr va doktorlik darajasini olgan.
Mehnat faoliyatini 2012 yilda Nyu-York Markaziy bankida iqtisodchi sifatida boshlagan. Shuningdek, u Kolumbiya va Nyu-York universitetlarida o‘qituvchi bo‘lib ham ishlagan. 2022 yil noyabr oyida u Amazon kompaniyasining bosh iqtisodchisi etib tayinlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter