Fors ko‘rfazi mamlakatlariga dahshatli qum bo‘roni yopirildi (video)
![Fors ko‘rfazi mamlakatlariga dahshatli qum bo‘roni yopirildi (video)](https://xabar.uz/static/crop/1/6/920__95_1643786960.jpg)
Ushbu hafta oxiri Fors ko‘rfazi mamlakatlarini, shu jumladan, Qatar va Saudiya Arabistoniga kuchli qum bo‘roni yopirildi.
Noqulay ob-havo juma kuni kechqurun boshlangan: hududni kutilmaganda yilning bu davriga xos bo‘lmagan dimiqtiruvchi issiqlik qurshab olgan. So‘ngra kuchli shamol ko‘tarilgan. U qum va changni ko‘tarib, osmonni to‘sib qo‘ygan va bir necha metrgacha ko‘rishni cheklagan. Chang va qum barcha binolar va avtomobillarni qoplab olgan. Qum, hatto, derazadagi teshiklar orqali uylarning ichigacha kirib borgan.
Qum bo‘roni o‘zi bilan birga sovuq ob-havoni ham olib keldi. Qatar poytaxti Doxada havo harorati keskin pasayib, 16 darajagacha tushib ketdi.
Ushbu dam olish kunlari ob-havo tufayli fuqarolik va harbiy aviatsiya faoliyati cheklandi. Saudiya Arabistoni harbiy havo kuchlarining parvozlari chang bo‘roni tufayli bekor qilingan.
Yakshanba kuni mintaqada ob-havo yaxshilana boshladi, biroq kuchli shiddatli shamol esishda davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter