Jurnalistika universitetida ijodiy imtihon boshlandi (foto)
![Jurnalistika universitetida ijodiy imtihon boshlandi (foto)](https://xabar.uz/static/crop/2/1/920__95_218901663.jpg)
Bugun, 17-iyul kuni O‘zbekiston Ommaviy kommunikatsiya va jurnalistika universitetida ilk ijodiy imtihon (suhbat) boshlandi, deb xabar bermoqda «O‘zA».
Ijodiy imtihonda mamlakatimizning taniqli jurnalistlari abituriyentlarni sinovdan o‘tkazishmoqda. Xususan, ular orasida O‘zbekiston Milliy axborot agentligi mas’ul xodimlari, shuningdek, taniqli jurnalistlardan Lola Islomova, Muhammadjon Obidov, Ahmadjon Meliboyev, Mirzakarim To‘xtamirzayevlar bor. Har bir yo‘nalish bo‘yicha (Teleradio, bosma ommaviy axborot vositalari, internet, sport) mutaxassislar jalb etilgan.
Bir abituriyentdan 3 nafar mutaxassis imtihon olmoqda. Universitet o‘qituvchilarini esa imtihon oluvchilar safida uchratmaysiz. Auditoriyalarga kameralar o‘rnatilgan bo‘lib, tashqarida ota-onalar imtihon jarayonini to‘g‘ridan-to‘g‘ri kuzatib borishmoqda. Abituriyentlar hayajon bilan suhbat imtihoniga o‘z navbatlarini kutmoqdalar. Bo‘lajak yosh jurnalistlarning nigohida o‘ziga bo‘lgan ishonchni sezish mumkin.
«Jurnalist bo‘laman» deb bel bog‘lagan abituriyentlarni yana yozma ijodiy imtihon va test sinovlari kutmoqda. Imtihon yakunida jurnalistlarning abituriyentlar haqidagi fikrlarini taqdim etamiz. Bizni kuzatishda davom eting.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter